Prjónastokkur
Varðveitt hjá
Minjasafn Austurlands
Á hliðar er útskorið "Guðrún Símonsdóttir". Á endum sitt hvoru megin ganga út hnúðar, annar tilskorinn sem tvö lauf, hinn sem stjarna og mynstur skorið ofan í, ekki í gegn. Upp úr stokknum ganga tveir stautar sinn á hvorum enda með hringlaga hnúðum á. Með þeim má skorða lokið sem er í tveim hlutum. J.S. eða J.S.J. gæti verið Jóhanna Stefánsdóttir. Stokkinn átti Guðrún Símonardóttir, fædd 1830 að Hvammi í Lóni. Flutti með foreldrum sínum í Klausturssel 1840. Hún giftist Stefáni Jónssyni og bjó á Strönd, lést 1872. Jóhanna Stefánsdóttir, dóttir Guðrúnar kom með stokkinn að Vaðbrekku. Hennar dóttir, Ingibjörg Jónsdóttir, átti stokkinn síðast, en hún var móðir gefanda (d.1987). Í stokknum eru 25 prjónar. 4 st. tréprjónar, 4.st. samstæðir álprjónar, 8 st. samstæðir húðaðir álprjónar, 1 st húðaður álprjónn stærri, 1 st. stakur langur álprjónn, 4 st samstæðir álprjónar (líklega kallaðir skotthúfuprjónar), 1.st. lengri húðaður álprjónn (líklega no 1) og tveir skotthúfuprjónar. Tvær rúllupylsunálar (misstórar) og ein mjög fín heklunál.
Aðrar upplýsingar
Efni
Safnnúmer
Safnnúmer A: MA
Safnnúmer B: 1987-163
Stærð
33 x 6.4 x 4 cm
Lengd: 33 Breidd: 6.4 Hæð: 4 cm
Staður
Staður: Hvammur, 781-Höfn í Hornafirði, Sveitarfélagið Hornafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Prjónastokkur
Upprunastaður
64°23'10.9"N 14°56'4.7"W