Panta mynd Notkunarskilmálar

Hnappur

1000

Varðveitt hjá

Minjasafn Austurlands

Tveir gráir blýhnappar með upphleyptu rósaverki. Fundust á grundinni rétt fyrir utan brúna yfir Gilsá á Jökuldal. Þar blés upp hauskúpa, sem var orðin hvít og skinin þegar gefandi, Sigfús Sigvarðarson, sá hana fyrst 1922. Þá var löngu áður búið að finna hnappana sem geymdir voru hjá Ragnhildi Stefánsdóttir, konu Eiríks Sigfússonar bónda á Skjöldólfsstöðum á Jökuldal. Ragnhildur afhenti Sigfúsi hnappana 1936. Margsinnis var reynt að urða hauskúpuna ásamt ýmsum beinum, en hún blés alltaf upp. Vorið 1936 man Sigfús síðast eftir að hafa séð hana. Minnti Sigfús sem skarð væri í höfuðbeininu ofan við hægri augntótt.