Hurðarhringur, óþ. hlutv.

1791

Varðveitt hjá

Úr kopar, með áfastri járnfjöður sem gekk inn í hurðartréð. Grafið í hringinn: "17-G.E.S.-91" - Guðlaugur Einarsson bóndi Brú á Jökuldal. Hringurinn fannst við skemmu vestan við gamla bæinn á Brú vorið 1928 og hefur verið lengi í vörslu gefanda. Þess má geta til gamans að sumarið 1976 var á ferð eystra amerísk kona sem taldi sig vera dulskyggna. Áleit hún hringinn vera af kirkju á Jökuldal og hefði kirkjan brunnið en hurðin með hringnum fallið út og hringurinn sloppið við eldinn. Guðmundur Eiríksson var prestur í Hofteigi 1733 en fer í Hof í Vopnafirði 1738 og síðan í Refstað 1766 og sleppir því brauði 1775 og deyr 1784. Stafirnir á hringnum gætu verið tileinkaðir honum G.E.S=son og ártalið er 1791. Hugsanlega verið gefin til minningar um hann til bænahússins sem var á Brú en það verður síðan útkirkja frá Hofteigi. Síðast messað á Brú 1911, en kirkjan var rifin og flutt út í Eiríksstaði.