Flaska, f. vökva
Varðveitt hjá
Minjasafn Austurlands
Glær glerpeli eða flaska sporöskjulaga ofan til, fyrir neðan fremur háan stút en brotið er út úr stútnum. Einnig er stjörnusprunga í botni. Upphleypt mynstur í gleri á báðum hliðum. Annars vegar veiðimaður með kanínu, hinum megin eru sveigir með laufblöðum. Þór Magnússon sendi á sínum tíma fyrirspurn og mynd til Kastrup og Holmegaards Glasværker A/S. Í svarbréfi frá 25.01.1979 segir eftirfarandi: "Þetta er alveg örugglega Kastrupveiðiflaska, hennar er getið í vörulista fyrst 1886 en síðast í vörulista frá 1924 er hennar ekki getið. Þ.e.a.s. hún er ekki eldri en frá 1886. Það er erfitt að átta sig eftir myndinni en ég held að flaskan sé af elsta hluta framleiðslunnar fyrir 1900 en það er ekki hægt að segja með vissu. Hún getur verið nokkrum árum eldri því hún var í framleiðslu í nokkurn tíma áður en hún kom í vörulistann. Vörulistinn frá 1886 er sá elsti frá Kastrup Glasværk, svo við getum ekki rakið aldur hennar lengra aftur. Við skulum hafa hana sem næst 1880" (Lausleg þýðing). Flaskan kom upp ásamt fleiri munum í trolli Barkar N.K. úti fyrir Austfjörðum á árunum milli 1970-79 og voru munirnir sendir á Þjóðminjasafnið. Þáverandi safnvörður Minjasafns Austurlands, Gunnlaugur Haraldsson, fékk flöskuna aftur austur til MA. Gunnlaugur segir flöskuna trúlega vera úr dönsku kaupskipi frá síðari hluta 19. aldar sem sokkið hafi úti fyrir Austfjörðum. Auk "jagerflöskunnar" komu tólf hattar og ræfill af gömlum tréskó upp í sama trolli. Annað heiti "Jagerflaska"; Veiðimannavasapeli.
Aðrar upplýsingar
Efni
Safnnúmer
Safnnúmer A: MA
Safnnúmer B: 1979-48
Stærð
17.3 x 9 cm
Lengd: 17.3 Breidd: 9 cm
Staður
Núverandi sveitarfélag: Fjarðabyggð, Fjarðabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Flaska, f. vökva