Kona

10.03.1907

Varðveitt hjá

Ólafía Bjarnadóttir Bíldudal. „Þuríður Ólafía Bjarnadóttir (1885-1919) var dóttir Bjarna Þórðarsonar (1838-1918) á Reykhólum og konu hans Þóreyjar Kristínar Ólínu Pálsdóttur (1848-1934). Um ævi hennar má lesa í Þorsteinn Jónsson, Reykvíkingar 4, bls 1261-1262, Reykjavík 2012. Af þrem börnum hennar ólust a.m.k. tvö þeirra upp hjá frændfólki þ.e. Soffía Emilía Sigurðardóttir (1907-1973) sem ólst upp hjá Ragnheiði (1873-1961) móðursystur sinni og eiginmanni hennar Þorleifi Jónssyni (1855-1929) póstmeistara í Reykjavík. Soffía Emelía sem oft var kölluð Soffa var mjög tengd heimili langafa míns og langömmu í Hrólfsskála á Seltjarnarnesi og var í miklu vinfengi við föðursystur mínar alla ævi, systurnar Önnu (1905-1980) og Guðlaugu (1913-1987) Sigurðardætur í Pálsbæ á Seltjarnarnesi. Þar hitti ég Soffíu oft þegar ég var ungur og hreifst ætíð af fríðleik hennar og veraldarbrag sem henni fylgdi. Sonur Þuríðar Ólafíu Bjarnadóttur var Sigurður Gunnar Sigurðsson (1911-1991) sem ólst upp hjá annarri móðursystur Margréti Rasmus og tók hann upp nafnið Heinrich Rasmus. Dóttir hans er Margrét Jóhanna (f.1936) lögfræðingur og fréttamaður. “ (SP 2018)