Kaupmaður, + fl. viðk. starfsemi

01.01.1855 - 01.01.1856

Varðveitt hjá

Óli Steinbach kaupmaður. Sólmynd - daguerreótýpa. Myndin er hálfmynd. Fyrirsætan situr á stól í jakka og hvítri skyrtu með stóra slaufu bundna um hálsinn og er með aðra hendi upp við bringuna en hin hvílir á læri hans. Sér í borð með dúki til hliðar. Myndin er í svörtum sporöskjulöguðum tréramma með gylltri málmrönd að innan upp við myndflötinn. Stærð rammans er 13 x 11 cm en sjálf myndin er um 7,7 x 6,2 cm. Á bakhlið er álímdur miði með þessari áletrun: CARL BÄRTHELSONs Institut for DAGUERROTYPI & PHOTOGRAPHI Gl. Amagertorv N° 44 KJÖBENHAVN Carl C Bärthelson rak ljósmyndastofu á þessu heimilisfangi um 1855-56 samkvæmt Fotografer i og fra Danmark eftir Björn Ochsner og byggir tímasetning myndarinnar á því. Gert var við myndina hjá danska þjóðminjasafninu af Karen Brynjolf Pedersen árið 2007 og var viðgerðin aðallega fólgin í að fylla í skarð í rammanum og þétta aðgengi súrefnis að myndinni. Skemmdir eru á sjálfum myndfletinum í formi hringlaga útfellinga.