Kona

01.01.1866 - 01.01.1909

Varðveitt hjá

Ólafía Lárusdóttir frá Selárdal, systurnar Valgerður (gift Briem) og Guðrún (alþingismaður) Lárusdætur Halldórssonar, Inga Lára, systir Ólafíu og Guðríður systir Gísla Sveinssonar sýslumanns. „Þóra Pétursdóttir (1883-1969) afasystir mín átti þessa mynd af stúlkunum fimm. Mig minnir að ein þeirra frænka hennar Valgerður Lárusdóttir Briem hafi gefið henni myndina. Þóra frænka mín gaf mér þessa mynd fyrir um það bil hálfri öld. Þá skrifaði ég aftan á myndina eftir fyrirsögn hennar að þessi hópur stúlkna hefði verið að læra að sauma hjá Þuríði Lange og til gamans hefðu þær nefnt hópinn Prestafélagið vegna þess að allar voru þær prestsdætur. Nöfn stúlknanna í Sarpi koma heim og saman við upplýsingar Þóru að einni stúlku undanskilinni. Sú stúlka var einnig frænka Þóru og sagði þóra að þetta væri Ragnhildur Gísladóttir, yngsta systir Gísla Sveinssonar síðar alþingisforseta. Persónulega hef ég ekki forsendur til þess að segja hvor systirin þetta er en mér þótti rétt að geta þessa.“ (SP 2018) „Stúlkan sem um ræðir er sú sem situr t.h. Síra Sveinn Eiríksson í Ásum í Skaftártungu og kona hans Guðríður Pálsdóttir prófasts Pálssonar í Hörgsdal áttu mörg börn, þar á meðal dæturnar Guðríði (1877-1945)) og Ragnhildi (1884-1969). Þóra frænka nefndi ekki Guðríði en sagði að stúlkan sem sæti t.h. væri Ragnhildur Sveinsdóttir. Önnur mynd af Ragnhildi ungri má finna í Sarpi. Þar er hún með frænku sinni Guðlaugu Halldórsdóttur frá Suður-Vík í Mýrdal. Þóra frænka átti einnig eintak af þessari mynd og er það nú í mínum fórum eins og myndin af Prestafélaginu.“ (SP 2018)