Hjón

01.01.1650 - 01.01.1700

Varðveitt hjá

Þorsteinn Geirsson prestur í Laufási og Helga Jónsdóttir kona hans. Úr aðfangabók: Þorsteinn prestur Geirsson í Laufási og Helga, kona hans, Jónsdóttir, minngarspjald, komið til Safnsins 22.7.1867, sbr. Skýrsla II, bls. II. o. s. frv. Er nú endurbætt, límt á striga og strengt á grind. Dugði ekki, límt á krossviðarspjald síðar. Myndin hefur ekki verið tölusett áður meðal gripa Þjóðminjasafnsins, þótti of skemd. Hún mun vera máluð af sjera Jóni Guðmundssyni í Felli (d. 1702 eða ´03), sömul. mynd Hólmfríðar Sigurðardóttur (nr. 402, Mms. nr. 2). Úr Mynd á þili: (Texti eftir Þóru Kristjánsdóttur) Málverk þetta er annað tveggja sem varðveist hafa og eru eignuð séra Jóni Guðmundssyni á Felli. Bæði eru frá seinni hluta sautjándu aldar. Málverkið er af prestshjónunum í Laufási, séra Þorsteini Geirssyni og konu hans Helgu Jónsdóttur. „Málverk þessi hafa vakið áhuga fræðimanna af ýmsum ástæðum. Þau eru meðal örfárra mynda sem til eru af Íslendingum frá þessum tíma og klæðnaður fólksins hefur orðið fræðimönnum rannsóknarefni. .... Málverkin eru bæði máluð með olíulitum á skinn og áþekk að stærð. ... Yfir mannamyndunum eru málaðir bogar og eru barokkenglar efst á bogunum með leturborða eða lárviðarkransa á milli sín. Minningarorð á latínu eru á báðum málverkunum. Mannamyndirnar eru stirðlega málaðar og í raun fremur táknmyndir um fólk sem hefur átt eitthvað undir sér en raunsæjar mannlýsingar. Barokkskrautið á málverkunum umhverfis mannamyndirnar bendir til þess að Jón hafi að öllum líkindum sótt fyrirmyndirnar til barokkmeistarans í þjónustu Hólamanna, Guðmundar Guðmundssonar. Ekki er ósennilegt að útskornir rammar hafi í upphafi verið utan um bæði málverkin en nú er aðeins varðveittur ramminn utan um málverkið af frú Hólmfríði. ... Jón á Felli hefur verið eftirsóttur málari og skáld á sinni tíð en fleiri málverk hafa ekki varðveist eftir hann svo vitað sé.“ (Sett inn af Sigrúnu Blöndal, 6. 10.2010)