Kona
01.01.1600 - 01.01.1700
Varðveitt hjá
Þjóðminjasafn Íslands
Kona Gísla Þorlákssonar biskups Viðbætur Þóru Kristjánsdóttur 2009:
Litla málverkið er af Ingibjörgu Benediktsdóttur d. 1673, miðkonu Gísla Þorlákssonar Hólabiskups, málað af bróður Gísla, Þórði Þorlákssyni Skálholtsbiskupi. Þórður málaði fjórar litlar mannamyndir sem mágkona hans Ragnheiður Jónsdóttir sendi til Kaupmannahafnar 1684 um leið og hún pantaði stóra málverkið af Gísla biskupi og konum hans þremur (Þjms. 3111). Sjá ÞK: "Það rann upp ljós" grein í Árbók Fornleifafélagsins 2006-2007, bls. 191-198.
62. Mynd af einni Frú Gísla biskups Þorlákssonar, máluð á tré af einhverjum íslenzkum manni á seytjándu öld. Hún hefir þeirrar aldar íslenzkan búning: Hempu með hempuskjöldum og pörum, hvítan kraga um hálsinn og alhvítan fald á höfði niður í gegn, sem þá var títt, og hatt þar yfir, og sýnir það vel aldarmóðinn. Spjald þetta hékk fyrrum, að sögn Daða hins fróða Níelssonar, í bænhúsi í Gröf á Höfðaströnd, en þaðan var það flutt í Sjáfarborgarkirkju, ásamt annari mynd af annari frú herra Gísla, sem eg hefi séð, og mjög var lík hinni, hvað búninginn snertir.
Aðrar upplýsingar
Ártal
01.01.1600 - 01.01.1700
Efni
Safnnúmer
Safnnúmer A: Mms-1
Stærð
23.2 x 16.1 cm
Staður
Staður: Gröf, 566-Hofsós, Skagafjörður
Aðfangategund
Undirskrár
Undirskrá: Mannamyndasafn (Mms)
Flokkun
Efnisorð / Heiti
Myndefni: Kona
Heimildir
Aðfangabók Þjóðminjasafnsins 1908 - 1931
Þóra Kristjánsdóttir: Árbók Ferðafélags Íslands 2008. Bls. 157-160.
Þóra Kristjánsdóttir: Árbók hins íslenzka Fornleifafélag 2006-2007, Reykjavík 2008, bls. 191-198.
Upprunastaður
65°52'3.0"N 19°22'15.5"W