Pyngja
Varðveitt hjá
Þjóðminjasafn Íslands
Lítil pyngja úr leðri, saumuð saman úr fjórum bútum, tveimur úr ljósbrúnu leðri, tveimur úr dökkbrúnu. Við efri brún pyngjunnar er fest loku úr málmi sem hægt er að draga sundur og saman og þannig þrengja og víkka op pyngjunnar. Þar ofaná smellist svo hringlaga málmlok. Lokan er slitin á einum stað en annars er pyngjan í góðu ástandi.
Buddan er úr eigu ömmu og afa gefanda, Guðnýjar Guðnadóttur (f. 1856, d. 1945) og eiginmanns hennar Bjarna Jónssonar snikkara og dannebrogsmanns (f. 1859, d. 1915). Gefandi, Bjarney Jónsdóttir, telur að pyngjan hafi verið notuð fyrir smáaura. Hún er ekki viss um hvort þeirra hjóna átti pyngjuna. Bjarni var látinn fyrir fæðingu Bjarneyjar. Þegar hún man eftir sér var pyngjan geymd í skúffu á heimili ömmu hennar og var þá iðulega tóm. Bjarney telur að Bjarni afi sinn hafi keypt budduna í Danmörku, Svíþjóð eða í Kanada (hann sigldi þangað).
Margrét Hallgrímsdóttir þjóðminjavörður afhenti gripi nr. Þjms. 2011-19 fyrir hönd Bjarneyjar.
Aðrar upplýsingar
Efni
Safnnúmer
Safnnúmer B: 2011-19-2
Stærð
9.5 x 0 cm
Lengd: 9.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Pyngja