Leikhúskíkir
Varðveitt hjá
Þjóðminjasafn Íslands
Leikhúskíkir í veski úr fjólubláu flaueli. Kíkirinn er úr málmi (járni og koparblöndu), klæddur með beinlitu plastefni. Til að stilla fókusinn er litlu beinhjóli milli sjónpípanna snúið og þá dragast sjónpípurnar út. Í innstu stillingu er kíkirinn 6,8 cm langur en í þeirri ystu er hann 8,9cm langur. Veskið sem sjónaukinn er í er eins konar vindlingaveski og er með málmspennu á. Flauelið er orðið mjög snjáð. Í veskinu hangir fjólublá snúra. Kíkirinn er í mjög góðu ástandi.
Kíkinn átti amma gefanda, Guðný Guðnadóttir (f. 1856, d. 1945). Gefandi, Bjarney Jónsdóttir, telur að Guðný hafi notað kíkinn í Iðnó. Hún telur ennfremur að afi sinn, Bjarni Jónsson snikkari og dannebrogsmaður (f. 1859, d. 1915) hafi keypt kíkinn handa konu sinni, líklega í Danmörku, Svíþjóð eða í Kanada (hann sigldi þangað).
Margrét Hallgrímsdóttir þjóðminjavörður afhenti gripi nr. Þjms. 2011-19 fyrir hönd Bjarneyjar.
Aðrar upplýsingar
Efni
Safnnúmer
Safnnúmer B: 2011-19-1
Stærð
10.5 x 6.8 x 4.3 cm
Lengd: 10.5 Breidd: 6.8 Hæð: 4.3 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Leikhúskíkir