Dixill

1930 - 1968

Varðveitt hjá

Reinhard Reinhardsson gefur díxil og skaröxi (skaftlausa) Guðmundar Kristjánssonar (góða) – hann rak vélsmiðju sína að Vetrarbraut um áratugi. Einnig í kjallara í húsi sínu Grundargötu 12 á efri árum. Díxillinn er mjög óvenjulegur og gæti verið nokkurskonar tilraunasmíð. Hann er soðinn saman úr fjórum járn stykkjum. Skaraxarblaðið er soðið saman úr þremur hlutum. Í blaðið fór valið blað úr bílfjöður, helst eða eingöngu úr Lnadróverjeppa. Saga Jóns Andrjesar Hinrikssonar: Honum áskotnuðust Landróver fjaðrir og fór með þær til Guðmundar og bauð honum í skiptum fyrir tvær eða þrjár axir fullsmíðaðar. Svar Guðmundar var stutt: „ég kaupi aldrei fjaðrir.“ Og varð því ekki af neinum viðskiptum þeirra á milli. Guðmundur góði var afabróðir Reinhards Reinhardssonar í móðurætt. Reinhard var í uppáhaldi hjá Guðmundi, sem sjálfur eignaðist ekki afkomendur. Hann var alltaf að gauka einhverju að Reinhard og gefa honum ýmsa smáhluti. Díxilinn og skaröxina hefur hann fengið hjá Guðmundi að gjöf í kringum 1980. Aðra hluti fékk hann á árunum 1968-1975, t.d. úr og fl.