Dixill

1903 - 1968

Varðveitt hjá

Díxill Páls Jónssonar díxilmanns og planformanns hjá Ísafold. Síðast var hann díxilmaður hjá Skafta á Nöf. Páll Jónsson (f. 1881) og konan hans Hólmfríður Sigurgeirsdóttir (1888) bjuggu í Lindarbrekku á Siglufirði, þar sem nú heitir Lindargata 1c. Páll keypti Lindarbrekku árið 1910 en reif torfbæinn og byggði tómthús. Siglufjarðarkirkja var byggð á bak við Lindarbrekku, þ.e.a.s. Lindarbrekka stóð fyrir neðan kirkjuna. Húsið í Lindarbrekku var svo rifið eftir 1990, líklega 1993-4. Húsið var ekki rifið fyrr en eftir að Páll Jónsson lést. Díxillinn er gjöf Páls Helgasonar, barnabarns Páls Jónssonar. Hann hafði hirt nokkra gripi úr gamalli geymslu í Lindarbrekku, þar á meðal voru þrír díxlar. Starfsfólk Síldarminjasafnsins hefur flokkað díxlana eftir gerð þeirra og lögun. Þessi er af gerð A. Það sem einkennir gerð A er að þeir eru steyptir með áberandi hrygg á innanverðu blaði. Skallahvilft er áberandi djúp. Blaðið mjög bogadregið. Blaðeggin mjög breið. Innan gerðar A eru mjög misstórir og misþungir díxlar og eru því ýmist uppsláttar- eða tilsláttardíxlar. Mjög líklega eru þessir díxlar norsk smíði og innfluttir hingað með Norðmönnum. Þetta hefur Haraldur Sigmarsson fyrrum díxilmaður staðfest í símaviðtali 20. október 2011. Einnig höfum við fundið samskonar díxla á norskri skráningarsíðu: http://www.digitaltmuseum.no/search?query=diksel