Dixill

1903 - 1968

Varðveitt hjá

Guðmundur Haraldsson á Blönduósi gaf verkfærakistu föður síns sumarið 2004. Faðir hans var Haraldur Sigurðsson, Hlíðarvegi 30 Siglufirði. Betur þekktur sem Halli á Eyri. Haraldur var díxilmaður á söltunarstöðvum og kom nokkuð að bátasmíði hjá bróður sínum Kristjáni Sigurðssyni (Stjána á Eyri, sem kallaður var Eyrarjarlinn). Kristján var stöðvarstjóri á Ísfirðingaplaninu um áratugi og smíðaði nótabáta og trillur í Þrónni, skemmu sem stóð við hlið Róaldsbrakka/Ísfirðingabragga. Haraldur var planformaður á söltunarstöðinni Heklu, Haraldi Böðvarssyni og co (HB&co) frá 1961-1966 (á.a.g.). Síðustu árin sín var hann trillukarl á eigin báti. Haraldur var fæddur árið 1917, d. 1976. Í verkfærakistunni var þessi díxill ásamt tveimur öðrum díxlum. Allir mjög ryðgaðir.Starfsfólk Síldarminjasafnsins hefur flokkað díxlana eftir gerð þeirra og lögun. Þessi er af gerð A. Það sem einkennir gerð A er að þeir eru steyptir með áberandi hrygg á innanverðu blaði. Skallahvilft er áberandi djúp. Blaðið mjög bogadregið. Blaðeggin mjög breið. Innan gerðar A eru mjög misstórir og misþungir díxlar og eru því ýmist uppsláttar- eða tilsláttardíxlar. Mjög líklega eru þessir díxlar norsk smíði og innfluttir hingað með Norðmönnum. Þetta hefur Haraldur Sigmarsson fyrrum díxilmaður staðfest í símaviðtali 20. október 2011. Einnig höfum við fundið samskonar díxla á norskri skráningarsíðu: http://www.digitaltmuseum.no/search?query=diksel