Skjöl, skráð e. hlutv.

1948 - 1982

Varðveitt hjá

Safn muna sem tilheyrðu starfsmönnum Varastöðvarinnar og tengdust ýmist starfi þeirra eða félagslífi. Elliði var taflfélag starfsmanna. Það var stofnað 15. mars 1958. Margir munanna tengjast því. Líklega voru flestir munirnir á kaffistofu starfsmanna. Þegar starfsemi lauk, 1982, tók Ámundi Sveinsson, vélstjóri þá í sína vörslu. Hann kom þeim síðan á safnið Krókhálsi til varðveislu um 2004. Skjöl: Ýmis skjöl af kaffistofu starfsmanna á Varastöðinni. 1) Ljósrit af grein úr Morgunblaðinu 22. mars 1968, Flóðið í Elliðaánum náði 150-160 teningsm. Arfarvegurinn breyttur á kafla. 2) Orðalisti: Listi orða höfðum eftir Gesti Guðnasyni, starfsmanni í Varastöðinni. Orð og oft heilar setningar átu það til að afbakast í meðförum hans. Listinn er handskrifaður aftan á 5 vinnuskýrslublöð, merkt Landsvirkjun. 3) Ljósrit af samningi milli Vinnumálanefndar ríkisins f. h. Áburðarverksmiðju ríkisins og Sementsverksmiðju ríkisins annars vegar og Vélstjórafélags Íslands hins vegar. Samningurinn er frá 20. maí 1974. Honum fylgir yfirlýsing sem Landsvirkjun ofl. eru aðilar að og lýtur að vinnu og réttindum vélstjóra sem starfa hjá fyrirtækinu. 4) Handskrifaðar leiðbeiningar um gangsetningu kondens. 5) Handskrifað vaktaskipulag 6) Bunki blaða með undirritunum (upphafsstafir) ýmissa starfsmann fyrir vökur og yfirvinnu. 7)Svart/hvít ljósmynd af manni sem vann við að moka kolum í Varastöðinni. Þetta var eftir að hætt var að kynda með kolum og kolunum var mokað í poka og þau flutt burt. Maðurinn var kallaður Valdi og hann kom, ásamt fleiri vinnumönnum, úr verkamannaskýlinu við Tryggvagötu. Þeir voru daglaunamenn.