Forritunarvél

1973 - 1989

Varðveitt hjá

Minjasafn Landsvirkjunar

Munir frá stjórnstöðinni á Geithálsi. Stjórnstöðin var miðpunktur í raforkukerfi Landsvirkjunar jafnframt því að vera stjórnstöð fyrir suður- og vesturland. Fyrsta stjórnkerfi/fjarstýrikerfi Landsvirkjunar, Leeds & Northrup kerfið var tekið í notkun á Geithálsi árið 1973 [ 1973 - 1976 ]. Stjórnkerfið var í daglegu tali nefnt Kerfiráður. Til stöðvarinnar bárust stöðugt boð um ástand kerfisins, álag, rennsli, vatnshita, stöðu rofa og lokuvirkja, auk margvíslegra upplýsinga um ástand véla og annars búnaðar. Frá stjórnstöðinni var hægt að fjarstýra vélum og búnaði í afl- og aðveitustöðvum Landsvirkjunar. Forritunarvél. Vél til að gata forritunarstrimla fyrir Leeds & Northrup Conitel 2050 system stjórntölvu sem var í stjórnstöðinni. Á vélinni er lyklaborð. Sérstakir strimlar voru þræddir í vélina, forritin slegin inn, og vélin gataði svo strimlana. Ser. no. 036984 Stöðin á Geithálsi var starfrækt sem aðalstjórnstöð frá 1973 til desember 1989 er stjórnstöðin á Bústaðavegi var tekin í notkun. Þá voru munirnir fluttir til geymslu í varastöðina í Elliðaárdal. Árið 2006 voru þeir svo fluttir til varðveislu á safnið á Krókhálsi.