Forritunarstrimill

1973 - 1989

Varðveitt hjá

Minjasafn Landsvirkjunar

Munir frá stjórnstöðinni á Geithálsi. Stjórnstöðin var miðpunktur í raforkukerfi Landsvirkjunar jafnframt því að vera stjórnstöð fyrir suður- og vesturland. Fyrsta stjórnkerfi/fjarstýrikerfi Landsvirkjunar, Leeds & Northrup kerfið var tekið í notkun á Geithálsi árið 1973 [ 1973 - 1976 ]. Stjórnkerfið var í daglegu tali nefnt Kerfiráður. Til stöðvarinnar bárust stöðugt boð um ástand kerfisins, álag, rennsli, vatnshita, stöðu rofa og lokuvirkja, auk margvíslegra upplýsinga um ástand véla og annars búnaðar. Frá stjórnstöðinni var hægt að fjarstýra vélum og búnaði í afl- og aðveitustöðvum Landsvirkjunar. Forritunarstrimlar/ Gatastrimlar: Uppgefin mál eru á stafla af fjórum pappaöskjum með forritunarstrimlunum í. Sjálfir strimlarnir eru úr svörtum pappír. Þeir eru mislangir, ca. 2,5 cm að breidd og innan við 1/2 m.m. að þykkt. Strimlarnir liggja upprúllaðir, nokkrir í hverri öskju. Strimlarnir geyma forrit sem götuð eru á þá í sérstakri forritunarvél. Leeds og Northrup 2050 stjórntölvu var svo hægt að mata með þessum strimlum til að forrita hana eða endurforrita ef forritið í segulkjarnaminni tölvunnar skemmdist. Slík forritunarvél var til í stjórnstöðinni (sjá ...) En þessir strimlar geyma líklega afrit af forriti stjórntölvunnar hafa líklega fylgt kerfinu þegar það var keypt. Á hverjum strimli er miði með upplýsingum um "efnið" sem gatað hefur verið á hann. Miðarnir eru frá Lockheed Electronics Co. Á hverri öskju er límmiði frá Landsvirkjun sem á hefur verið skrifað: KERFIRÁÐUR - GATASTRIMLAR - BASIC PACAGE (54k). Einnig er límdur miði á hverja öskju með innihaldslysingu, þ.e.a.s. hvaða "efni" hver strimill hefur að geyma. Auk þess er hver askja sérmerkt: 4K - 1 of 2 - A / 4K - 2 of 2 - A / 8K 1 of 2 A / 8K - 2 of 2 - A. Stöðin á Geithálsi var starfrækt sem aðalstjórnstöð frá 1973 til desember 1989 er stjórnstöðin á Bústaðavegi var tekin í notkun. Þá voru munirnir fluttir til geymslu í varastöðina í Elliðaárdal. Árið 2006 voru þeir svo fluttir til varðveislu á safnið á Krókhálsi.