Skilti, óþ. hlutv.
1975 - 2006
Varðveitt hjá
Minjasafn Landsvirkjunar
Safn muna úr eigu Litlu Norrænu,
veiðifélags hóps starfsmanna Landsvirkjunar sem stofnað var um 1975.
Eftir að félagið var lagt niður, 2006, kom einn félaganna, Guðjón
Tómasson, fyrrverandi starfsmannastjóri, mununum á safnið á Krókhálsi.
LN -- Litla Norræna --
veiðifélagið
Á áttunda og níunda áratugnum voru
veiðiferðir í Laxár landsins stundaðar eins og endra nær, en á þessum tíma
var mikið um að stofnanir og stærri fyrirtæki byðu viðskiptavinum og fyrirmönnum
fyrirtækja í einhverja góða Laxá, svona til þess að styrkja samböndin og
efla samvinnuna.
Landsvirkjun var eitt þeirra fyrirtækja
sem fór þessa leið til þess að sýna þakklæti og velvild. Oft þótti mikið
til koma þegar slíkar ferðir voru í undirbúningi og þótti mörgum nóg um.
Utan fyrirtækisins kom upp í stríðni nafnið “Stóra Norræna” á ferðir
þessar og veiðimannahópinn sem oft var skipaður bankamönnum og ráðamönnum
af Norðurlöndum en einnig mönnum frá Alþjóðabankanum. Nafnið átti að ná
til þess sem ekki yrði aukið eða annað færi yfir, samber Stóra Norræna
símafyrirtækið.
Á þessum árum, sennilega um 1975,
tóku nokkrir starfsmenn Landsvirkjunar ákvörðun um að fara að veiða lax
saman, fara einn túr á ári eða svo. Ákvörðuninni var hleypt í framkvæmd
og veiðileyfi útveguð í Vatnsdalsá í Húnavatnssýslu. Ferðin sem tók til
þriggja veiðidaga, var rækilega undirbúin með maðkasöfnun, innkaupum á
dýrum veigum, útvegun stígvéla og stanga. En eitt vantaði og það var nafn
á þennan ágæta hóp. Eftir yfirlegu og miklar umræður kom nafnið upp í hendurnar
á félagsmönnum, því nafnið varð að vera hæverskt með tilliti til þess að
LV sjálf stóð í svona málum og Litla Norræna, skammstafað LN, þótti
uppfylla öll skilyrði.
Skilti:
Kúpt, sporöskjulaga járnplata.
Máluð: Blár grunnur, hvítar eldingar, hvítur borði með rauðum stöfum: Landssímastöð.
Skiltið er skrúfað á viðarplötu með rauðu filti og viðarramma. Sagan
segir að félagsmenn hafi stolið skiltinu. Landssíminn var á þessum
tímum í samningaviðræðum við Stóra Norræna.
Aðrar upplýsingar
Ártal
1975 - 2006
Efni
Safnnúmer
Safnnúmer B: 2009-415-11
Stærð
7 x 31 x 23 cm
Lengd: 7 Breidd: 31 Hæð: 23 cm
Staður
Staður: Veiðihús starfsmanna Landsvirkjunar, 500-Stað, Húnaþing vestra
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Skilti, óþ. hlutv.
Heimildir
Benedikt G. Sigurðsson (kt.
2201454769). Gautavík 34. 112 Reykjavík.
Egill Skúli Ingibergsson (kt. 2303264609).
Kringlan 43. 103 Reykjavík.
Upprunastaður
65°16'14.4"N 21°10'16.3"W