Byggðasafnið á Garðskaga

Byggðasafnið á Garðskaga er í eigu Suðurnesjabæjar og hefur verið formlega starfandi frá árinu 1995. Safnið er staðsett á fallegu safnasvæði við Garðskagavita í Suðurnesjabæ. Safnið varðveitir gripi og ljósmyndir og segir sögu atvinnu- og mannlífs á Suðurnesjum. Menningarminjar er víða að finna í Suðurnesjabæ (Garður og Sandgerði). Vélbáturinn Hólmsteinn GK20, 43 tonna trébátur, stendur við safnið. Sérstaða safnsins er vélasafn Guðna Ingimundarsonar og Trukkurinn hans sem hafa mikið aðdráttarafl. Trébáturinn Fram, súðbyrtur sexæringur með Engeyjarlagi, smíðaður 1887, er varðveittur á safninu. Súðbyrðingar komust á lista UNESCO árið 2021 yfir óáþreifanlegan menningararf. Á safninu er móttaka og safnverslun með innréttingum úr verzlun frá 1921, fjölbreyttar sýningar t.d. húsamódel úr Sandgerði, vitarnir fimm í bænum, heimilissýning og sjávarútvegur. Leiksvæði fyrir börn og ýmislegt til að upplifa, fræðast og prófa, sem gæti komið á óvart!  Frítt inn á safnið. Skagabraut 100, 250 Suðurnesjabær +354 425 3008 byggdasafn@sudurnesjabaer.is Opið: 1. maí - 30. sept., alla daga kl. 10-17 Okt. - apríl er opið eftir samkomulagi