Nýja testamentið
1750
Varðveitt hjá
Minjasafnið Kört
Nýja testamenti. Prentað í Kaupmannahöfn
1750 með gotnesku letri.
Séra Hjalti Jónsson er fyrsti eigandi
bókarinnar sem vitað er um. Hjalti gaf hana Guðrúnu Jónatansdóttur.
Guðrún þessi var amma Gísla Jónssonar í Naustavík (f. 29.5.1904)
sem eignaðist bókina eftir ömmu sína. Gísli gaf Torfa Guðbrandssyni
bókina sem ánafnaði safninu hana loks vorið 2003.
Sr. Hjalti, prestur á Stað, fær
mótsagnarkennd eftirmæli: "Merkismaður og valmenni, kennimaður
ágætur, frábær mælskumaður og predikaði jafnan blaðlaust. Örlátur
um efni fram, smiður góður og skáldmæltur. Hirðulítill um embættisbækur
og má heita að þær séu engar til frá embættistíð hans og hafi aldrei verið
skráðar."
Bókin er samt sem áður vel varðveitt
þó hún beri þess merki að hafa verið mikið lesin á vegferð sjö kynslóða
í gegn um aldirnar.
Fangamörk tveggja einstaklinga
eru fremst í bókinni. Á lausu blaði fremst í bókinni er fangamarkið
GJD ásamt rósaflúri skrautritað á blaðið. Hér er eflaust fangamark
Guðrúnar Jónatansdóttur sem fékk bókina hjá sr. Hjalta. Á titilblaði
bókarinnar er líka skrautritað fangamark ásamt blómamyndum og biblíutilvitnunum.
Ekki er gott að greina hver fremsti stafurinn er en fangamarkið gæti
verið BMS, og er því líklega fangamark einhvers karlmanns sem átt hefur
bókina á undan sr. Hjalta. Þetta fangamark er líka augljóslega mun
eldra en það fyrra.
Hér er um mjög fágæta bók að ræða
og vel útlítandi eintak miðað við aldur.
Aðrar upplýsingar
Titill
Sérheiti: Nýja testamentið
Ártal
1750
Safnnúmer
Safnnúmer B: 2008-331-1
Staður
Staður: Staðarkirkja í Steingrímsfirði, Kirkjan, 510-Hólmavík, Strandabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Bók, óþ. innih.
Upprunastaður
65°46'1.8"N 21°50'39.9"W