Askja, f. skrautmuni

1800 - 1911

Varðveitt hjá

Askja úr við er var notuð utan um kaleik (nr. 2011-1-1). Askjan er úr tveimur viðarkubbum. Sporöskulöguð þegar að hlutarnir eru lagðir saman. 8,5 cm að lengd og 7 cm að breidd á endunum. Í miðjunni er askjan 5,8 cm að lengd og 5 cm að breidd. Endi annars kubbsins hefur skemmst og verið gert við hann með nýrri við sem er festur við með nöglum. Tálgað er úr innri hluta öskjunnar þannig að útlínur kaleiksins falli inni í öskjuna. Í bréfi sem fylgdi öskjunni skrifar Steinþór Grönfelt: "Fóstra mín Erla Danielsdóttir sýnd mér dag einn muni úr búi Þorleifs Jónssonar prests á Skinnastað (1881-1911). Þeir voru úr búi Svöfu dóttur hans en lentu að henni látinni í höndum Guðrúnar Svövu, barnabarns Svöfu. Hún kemur þeim í hendur Erlu Daníelsdóttur. Samkomulag varð um að koma þeim í viðeigandi varðveislu á Byggðasafn Norður-Þingeyinga á Snartarstöðum. Erla er fósturdóttir Þóru Grönfelt systur Svöfu Þorleifsdóttur.