Til baka í leit

Ljósmyndir

Varðveitt hjá
Minjasafn Orkuveitunnar

Aðrar upplýsingar

Safnnúmer
Safnnúmer A: J0605-4117 Safnnúmer B: 2010-3
Staður
Núverandi sveitarfélag: Reykjavíkurborg, Reykjavíkurborg
Sýningartexti
Frímann B. Arngrímsson 1855-1936 Frímann var einn hinna fyrstu sem gerðu sér grein fyrir nýtingu vatnsorku til rafmagnsframleiðslu á Íslandi. Ungur hélt hann vestur um haf, árið 1874, og var í för með fyrsta stórhópi vesturfara frá Akureyri, áleiðis til Bandaríkjanna og Kanada. Árið eftir að hann kemur til Kanada sest hann á skólabekk, hann lýkur kennaraprófi árið 1879 og fimm árum síðar í tölvísi og náttúruvísindum við háskóla Torontoborgar. Fyrstur allra Íslendinga aflaði Frímann sér háskólamenntunar í Kanada, en vann fyrir sér með nytsamri vinnu á sumrum og kennslu á vetrum. Þaðan flutti hann sig um set til Bandaríkjanna þar sem hann vann á verkfræðistofu rafmagnsfélagsins, The General Electric Co., í borginni Lynn, nálægt Boston. Árið 1894 kemur Frímann síðan heim til Íslands og hyggst miðla til landa sinna þeirri þekkingu sem hann hafði öðlast. Sérstaklega var honum í mun að benda á möguleika hagkvæmni í rafmagnsframleiðslu með því að virkja ár og fossa landsins og beisla vatnsorkuna. Hann kynnti í því samhengi hugmynd um að virkja Elliðaárnar til rafmagnsframleiðslu fyrir Reykjavík. Skemmst er frá því að segja að viðtökur voru dræmar og landsmenn tregir við að átta sig á töframætti hinna „hvítu kola“ eins og vatnsorkan var þá kölluð. Ekki var heldur laust við að litið væri á Frímann sem einhvers konar töframann, eða öllu heldur kuklara sem boðaði mönnum eintómar skýjaborgir. (Útdráttur úr bókinni London París, Akureyri 10. ágúst 1938 – Nokkur minningarorð eftir Geir Jónasson)
Aðfangategund
Undirskrár
Undirskrá: Almenn myndaskrá
Flokkun