Ísólfskot
Varðveitt hjá
Byggðasafn Árnesinga
Þvermál hólsins er um 37 m frá
norðri til suðurs og 18 m frá austri til vesturs. Hæð hans er 0,80 til
1 m. Hann er vel gróinn sama gróðri og í túninu í kring.
Í hólnum sjást a.m.k. þrjár dældir
sem hugsanlega eru mótaðar af veggjahleðslum undir sverðinum.
„... Ísólfskot. Engar
heimildir eru fyrir því, hvenær byggð var þar hafin en kotið stóð í heimatúninu
eins og Snorrakot [166214-009]. Árið 1681 er hjáleigumaður í Votmúla
er Ísólfur Jónsson heitir. Það nafn er það sjaldgæft að kotið getur
vel dregið nafn af honum og þarf hann þó ekki að hafa verið frumbyggi þar.
En Ísólfskot hlýtur lík örlög og Snorrakot, það fer í eyði 1702,
nafnið týnist og virðist gjörsamlega gleymt mönnum er hjáleigur rísa aftur
í Votmúlahverfinu.“ (Ö-Votmúli, Austurkot og Lækjamót:1-2.)
„Ísólfskot… bygð í heimatúni
fyrir manna minni, hefur í auðn verið næstu 7 ár [í eyði frá 1702]… Þessa
grasnyt brúkar heimajörðin… Ekki má hjer aftur byggja, nema til skaða
heimajörðunni …“ (ÁM II:112).
Í ræktuðu túni sem er í krikanum
þar sem Lækjamóta- og Votmúlavegir mætast er lítill, ávalur og vel gróinn
hóll, um 50 m NV af vegamótunum. Hann er um 300 m suður af íbúðarhúsinu
í Lækjamótum [166196] og annað eins NA af útihúsum Austurkots [166176].
Aðrar upplýsingar
Heimildarmaður: Páll Lýðsson
Titill
Sérheiti: Ísólfskot
Safnnúmer
Safnnúmer B: 166214-10
Safnnúmer A: ÁR-208
Stærð
Lengd: 37 m
Breidd: 18 m
Staður
Staður: Votmúli 1, Sveitarfélagið Árborg
Aðfangategund
Heimildir
Árni Magnússon og Páll Vídalín.
1921. Jarðabók Árna Magnússonar og Páls Vídalíns. II. bindi. Hið
íslenska fræðafjelag, Kaupmannahöfn. Sögufélagið, Reykjavík: Ljósprentuð
útgáfa 1981.
Ö-Votmúli, Austurkot og Lækjamót,
Sandvíkurhreppur, Árnessýsla. (Án ártals). Páll Lýðsson skráði. Örnefnastofnun,
Reykjavík.
Upprunastaður
63°54'40.5"N 20°59'41.0"W