Stokkseyrarsel eystra

Varðveitt hjá

Bæjarhóllinn er stór, 50 m AV og 62 m NS og er hann um 3 m hár. Við norðurvegg hólsins er veggurinn greinilegastur og við hann er tóft sem er 6 m á breidd og 13 m á lengd. Veggirnir eru hæstir við austurvegg tóftarinnar um 2 m. Vesturveggurinn er mikið hruninn. Leifar af bárujárnsþaki og spýtum eru í tóftinni. Við NA horn bæjarhólsins er önnur tóft. Tóftin er 3 m á breidd og 5 m á lengd og er niðurgrafinn um 1 m. Við austurvegg hennar hefur verið steypt í hleðslurnar og hefur dyr verið á austurhliðinni því um 0,5 sm op er á steypunni og hleðslunni bak við. Norðurveggurinn er um 2 m hár en er byrjaður að hrynja, hleðslan er mosavaxinn. Við suðurvegg er hleðslan mest 4 umför. Í miðri tóftinni liggur steyptur skorsteinn í tveimur hlutum. Um 5 m ofar eru fleiri skorsteinsbrot jafnframt í tveimur hlutum. Miðað við hvernig skorsteinsbrotin liggja hafa skorsteinarnir verið tveir. Síðari skorsteinsbrotin eru jafnframt í miðri tóft. Útlínur tóftarinnar eru fremur óljósar nema suðurveggurinn, þar er hár veggur um 4 umför og eru hleðslurnar mosavaxnar. Við austurhlið bæjarhólsins liggur einföld steinaröð meðfram hólnum og þar er steypt stétt 2 m á breidd og 1 m á hæð, glittir í hleðslur undir stéttinni. Mikið rof er ofan á bæjarhólnum eftir ágang hesta. Brunnur [4] er um 10 m frá NA horni bæjarhólsins. Matjurtagarður [8] liggur við suður og austurhlið bæjarhólsins. Bæjarhóllinn er mikið hruninn á suðurhliðinn þar glittir aðeins í hleðslur hér og þar. Vestur hliðin er ógreinilegust en þar er mikið rof. Mikið af járnleifum eru á víð og dreif á bæjarhólnum. Ýmsir gripir fundust á eða við bæjarhólinn þar á meðal var járnpottur, þakflísar, skófluhaus, keramik, flaska og járnkeðjur. Bæjarhóll Eystra Stokkseyrarsels er um 60 m austur frá íbúðarhúsum Vestra Stokkseyrarsels. Bæjarhóllinn er jafnframt um 40 m suður frá útihúsi nr. 2 og um 30 m SV frá útihúsi nr. 3.

Aðrar upplýsingar

Titill

Sérheiti: Stokkseyrarsel eystra

Safnnúmer

Safnnúmer B: 165542-1

Stærð

Lengd: 62 m Breidd: 50 m

Staður

Staður: Eystra-Stokkseyrarsel, 825-Stokkseyri, Sveitarfélagið Árborg

Aðfangategund

Fornleifar

Heimildir

Túnakort [1920]. Eystra Stokkseyrarsel. Stokkseyrarhreppur, Árnessýsla. Þjóðskjalasafn Íslands.

Upprunastaður

63°52'28.4"N 21°3'41.5"W