Tóbaksponta
Varðveitt hjá
Byggðasafn Árnesinga
Falleg tóbaksponta úr beini sem er með einföldu, útskornu kaðal munstri. Topp og botnstykki er úr silfurlitri málmblöndu.
Eftirfarandi upplýsingar fylgdu gripnum frá gefanda: "Tóbaksponta Ragnhildar Gísladóttur húsfreyju á Vestri-Loftsstöðum 1892-1946. Hún var frá Rauðabergi í Fljótshverfi. Gift Jóni Jónssyni frá Loftsstöðum. Ragnhildur var mikill skörungur. Húsmóðir á stóru heimili sem var þá í þjóðbraut og bjó við mikla gestnauð eins og hægt var. Sex barna móðir og ól upp nokkur börn að auki. Ragnhildur stundaði lækningar, notaði grös. Þótti sérlega lagin við að fást við beinbrot. Sögð var saga af því að til hennar var fluttur maður sem var lærbrotinn. Hún batt um brotið og maðurinn dvaldi hjá henni í 2 mánuði. Hún gaf breinbrotnu fólki mikið af flóaðri mjólk (hitaðri eða soðinni). Sagði að það flýtti fyrir að beinbrot greru. Hún tók mikið í nefið. Var sjaldgæft um konur í hennar tíð. Pontuna erfði dótturdóttir hennar Rannveig Hrund Vernharðsdóttir og Sigríðar Jónsdóttur f. 1938. Hún mundi eftir því að amma kom í heimsókn að Selfossi í síðu svörtu pilsi með djúpum vasa. Þar tók hún upp pontuna og fékk sér í nefið. Hún bað um að pontan færi á safnið."
Aðrar upplýsingar
Safnnúmer
Safnnúmer B: 2009-48-1
Stærð
11.5 x 3.5 cm
Lengd: 11.5 Breidd: 3.5 cm
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Tóbaksponta