Panta mynd Notkunarskilmálar

Handmenntaskóli Íslands, UFO námskeið

= 1994

Varðveitt hjá

Hönnunarsafn Íslands

Handmenntaskóli Íslands var bréfaskóli sem starfræktur var 1981-1995. Skólastjórinn var Friðrik G. Friðriksson og við skólann kenndu margir kennarar en til að byrja með helst þeir Haukur Halldórsson og Einar Þorsteinn Ásgeirsson. Nemendur gátu skráð sig í fjölbreytt námskeið og fengu send verkefni í pósti. Þá sendu nemendur unnin verkefni til kennara skólans sem svo gerðu athugasemdir og sendu til baka til nemenda. Til að byrja var boðið upp á fjögur námskeið (teiknun 1. og 2. önn, skrautskrift og bótasaumur) en framboðið jókst með árunum. Í frumritum eru oft handteiknaðar myndir notaðar sem sýnidæmi eða skýringarmyndir. Þetta námskeið fjallar um UFO og geimverur. Námsefnið er alls 46 blaðsíður. Kaflarnir skiptast um það bil svona: 1) Inngangur 2) Sögulegt yfirlit. Þýðing EÞÁ á broti úr bók Dr. J Allen Hynek, Ókennilegir fljújandi hlitir og reynsla okkar af þeim: vísindaleg athugun (The UFO Experience: A Scientific Inquiry) frá 1972. Þýðing EÞÁ á broti úr bókinni Secret Life eftir David M. Jacobs frá 1993. 3) Brottnám. Sagt frá reynslu fólks sem telur það hafa verið numið brott af geimverum og svo skilað. 4) Afhjúpanir og sérskoðanir: útlistun á „óvísindalegu“ efasemdarfólki sem „grefur undan“ UFO fræðum. 5) Leynd stjórnvalda. 6) Andleg skilaboð. 7) Brottnám já eða nei: spurningalisti til að komast að því hvort maður hafi orðið fyrir brottnámi og svo gleymt því. 8) Spurningalisti frá bandaríksa flughernum um UFO. 10) Diskaform og hreyfingar: teikningar af lögun og hreyfingum UFO diska. 11) Rannsóknarstofnunarlisti með heimilisföngum og tengiliðaupplýsingum hjá stofnunum sem rannsaka UFO (7bls). 12) Bókalisti (8 bls.)