Rúm
Varðveitt hjá
Byggðasafn Árnesinga
Heimasmíðað ferðarúm í fimm hlutum
notað þegar vegavinnumenn sváfu í tjöldum á vinnustað. Þykkur hvítur tau-
eða líndúkur 88 cm á lengd, er negldur á tvær viðarstoðir. Það er þá legið
á þessum taudúk þegar rúmið er uppsett. Á endum á stoðunum er mjókkaður
endi ca 12-14 cm langur sem rennur inn í fætur og gafla rúmsins. Fætur
rúmsins eru tvær eins og krosslagaðar. Hver kross er smíðaður úr tveimur
76 cm löngum spýtum 9,3 cm á breidd. Spýturnar eru skrúfaðar saman í kross
og hægt að leggja saman, göt eru á endum þar sem rúmstoðir renna inn og
þykkur tauborði er negldur þvert yfir fæturna þeim til stuðnings. Gaflar
eru tveir, gerðir úr harðviði og göt fyrir rúmstoðir. Rúmið er aðeins
laskað, brestur í fótum og tauborði slitinn og svo virðist sem vanti fleyga
til að reka í gengum göt til stuðnings.
Gefandinn Guðjón Pálsson, (Gaui
Páls) sagði svo frá:
Ég vann í vegavinnu 17-18 ára
gamall. Mikið hörkupúl. Það voru engin tæki þá og við vorum að moka allt
í höndunum, bárum sem sagt ofan í veginn. Það var lítið um val þá, gott
að fá svona vinnu, var allt sumarið og kom heim um helgar. Við sváfum í
tjöldum og allir voru með sitt ferðarúm. Það var fínt að sofa á þessu og
ég sef aldrei betur en í tjaldi, og helst ef það er rigning. Í tjöldunum
var spýtugólf eða að maður setti fjöl undir rúmið svo það sykki ekki. Mikil
munur var þegar það kom spýtugólf. Við vorum þrír saman í tjaldi. Ég svaf
alltaf við gaflinn. Ég smíðaði þetta rúm auðvitað sjálfur en Guðmundur
Einarsson hjálpaði mér við það. Við vorum að vinna helst upp við Álftavatn.
Okkar eina skemmtun var að heimsækja sumarbústaðina í landi Grímsstaðar.
Aðrar upplýsingar
Efni
Safnnúmer
Safnnúmer A: BÁ
Safnnúmer B: 2009-22
Stærð
191 x 0 x 0 cm
Lengd: 191 Breidd: 0 Hæð: 0 cm
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Rúm