Diskettudrif

1970 - 1976

Varðveitt hjá

Diskettuvél IBM 3742: var tekin í notkun 7. maí 1976, á eftir spjaldavél sem búið var að vinna með frá 1952 , eða í 24 ár. Eins og nafnið bendir til, þá voru diskettur sem geymdu allar skráðar upplýsingar, t.d. allar tegundir álestra, mælaskipti, nýjar veitur, niðurtekningar og svo alla orkureikninga sem greiddir voru hjá gjaldkerum Rafmagnsveitunnar. Hver disketta gat tekið á móti 1898 færslum, en hver færsla gat lengst verið 128 stafir. Önnur verkefni, eins og Viðhald og mæling í Dreifistöð og Mælaskrá voru einnig skráð á þessa vél. Daglegu verkefnin voru skráning greiddra reikninga sem komu frá gjaldkerum Rafmagnsveitunnar eins og fyrr segir og daglega komu diskettur frá bönkum og sparisjóðum sem voru síðan sendar til SKÝRR í lok vinnudags. Daginn eftir sendu SKÝRR okkur greiðslulista til yfirferðar. Í lok hverrar viku sendum við diskettur til SKÝRR sem innihéldu upplýsingar til reikningagerðar. Á mánudagsmorgnum kom sendill frá SKÝRR með úrvinnslur af diskettunum (prufukeyrslu) sem farið var yfir áður en reikningarnir færu til notenda, en þeir voru skrifaðir út hjá Skýrsluvélum. Þessi vél var með 2 skráningaborð svo það voru 2 starfsmenn sem unnu við vélina, því allt sem önnur skráði þurfti hin að endurskrá. Afrit voru tekin af öllu sem skráð var og þau geymd í nokkrar vikur áður en disketturnar voru "þvegnar", en þær voru notaðar aftur. Ef svo einkennilega vildi til að rafmagnið fór af í miðri skráningu, gátum við þurft að byrja að nýju, nema ef starfsmaðurinn gat munað númerið á síðustu færslu sem hann skráði, þá gat hann náð upplýsingunum inn aftur. Þann 07.06.1983 tók Rafmagnsveitan upp eigið tölvukerfi, ABBAS, og notkun Diskettuvélar IBM 3742 var á enda.

Aðrar upplýsingar

IBM, Hlutinn gerði
Rafmagnsveita Reykjavíkur, Notandi

Ártal

1970 - 1976

Safnnúmer

Safnnúmer A: L0851-9969 Safnnúmer B: 2007-318

Stærð

185 x 75 x 74 cm Lengd: 185 Breidd: 75 Hæð: 74 cm

Staður

Núverandi sveitarfélag: Reykjavíkurborg, Reykjavíkurborg

Aðfangategund

Munir

Undirskrár

Undirskrá: Almenn munaskrá

Efnisorð / Heiti

Efnisorð: Diskettudrif
Efnisorð: Diskettuvél
Efnisorð: Tölva

Heimildir

Guðrún S. Pálsdóttir. Kamilla Guðbrandsdóttir.