Rofabúnaður
1940 - 1945
Varðveitt hjá
Minjasafn Orkuveitunnar
Enskur rofabúnaður frá Seinnistríðsárunum
(1940 - 1945).
Rafmagnstækin voru í enskum hermannaskálum
á Reykjavíkurflugvelli, sem hafði verið breytt í spennistöðvar. Braggarnir
sem hýstu þennan rafmagnsbúnað voru að austanverðu við flugbrautirnar,
skammt frá þar sem gamli flugturninn stóð. Braggar þessir voru hálfbraggar
sem svo var nefnt, á hurð þeirra var letrað "Point I" eða "punktur
I" á íslensku. Rofabúnaður þessi fékk "fæðingu" frá Spennistöð
RR í pólunum, en þaðan lá 6 kV jarðstrengur til flugvallarins. Að sögn
þeirra sem þekktu þennan búnað þjónustuðu rofarnir og spennistöðvarnar
m.a. starfsemi flugturns, flugvallar, braggahverfis, viðgerðarskála, flugskýli,
Íslandsflug og Hótel Ritz í Nauthólsvíkinni. Að sögn Kristjáns Jónassonar,
yfirmanns spennistöðvadeildar, var þessi rofabúnaður í notkun í fjölda
ára eftir að Seinni heimsstyrjöld lauk. Þegar hætt var að nota gömlu tækin
afhentu starfsmenn flugmálastjórnar Rafmagnsveitu Reykjavíkur búnaðinn,
sem kom honum í örugga geymslu á lager við Ártúnshöfða.
Rafbúnaðurinn er vistaður í Birgðastöð
RR við Ártúnshöfða.
Aðrar upplýsingar
Ártal
1940 - 1945
Safnnúmer
Safnnúmer A: A0001-1011
Safnnúmer B: 2007-17
Staður
Staður: Reykjavíkurflugvöllur, 101-Reykjavík, Reykjavíkurborg
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Rofabúnaður
Heimildir
Kristján Jónsson, starfsm. RR.
Jón Haukur Jóelsson, starfsm. RR.
Ársæll Lárusson, starfsm. Flugmálastjórnar.