Klyfberi
1930 - 1935
Varðveitt hjá
Byggðasafn Árnesinga
Klyfberar fimm klyfberar. Klyfberar svipaðir að stærð, allir með hleypiklökkum. Lengd 44,0 sm hvor hliðarfjöl, breidd er ca 6,0 sm og hæðin er 4,5 sm. Þrjú göt eru á hvorri hlið ætluð fyrir móttök svo hægt sé að girða hestinn. Klyfberabogatréð er 34,0 sm og boginn sjálfur er 10,0 sm og þykktin er tæpir 5,0 sm. Ofan á klyfberabogann eru festir hleypiklakkar úr járni sem leika á hjörum úr flatjárni 3ja sm breiðum og þykktin er 0,5 sm. Eru flatjárnin löguð eftir járnboganum. Upp úr flatjárnunum standa klakkarnir ca 9,0 sm háir þvermálið er 2,0 sm. Hleypiklökkunum var lokað með sveif úr járni sem gekk í gegnum klyfberabogann, á henni handfang ca 8,0 sm langt sem endaði í plötu ca 3ja sm breiðri, í gegnum plötuna er gat ætlað fyrir band þegar hleypt var. Sjálf lokan er 5,0 sm l. og h. er 3,0 sm. Klyfberinn var notaður á áburðarhesta og settir á reiðing og notaðir fyrst og fremst við heyskap áður en hestvagnar komu til sögunnar. Þeir voru smíðaðir 1930 til 1935, trévirkið Magnús Hannesson í Hólum á Stokkseyri en járnsmíðina vann Dagur Hannesson járnsmiður í Reykjavík.
Aðrar upplýsingar
Ártal
1930 - 1935
Safnnúmer
Safnnúmer A: BÁ-3176
Staður
Staður: Hólar, 801-Selfossi, Sveitarfélagið Árborg
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Klyfberi
Upprunastaður
63°49'51.5"N 20°56'5.8"W