Panta mynd Notkunarskilmálar

Jólatré

1923 - 1944

Varðveitt hjá

Byggðasafn Árnesinga

Númer 3028 jólatré úr spýtum. Smíðað af Benedikt Einarssyni bónda í Miðengi. Grænmálað, hæð 89,0 sm, þvermál súlu 1,5 sm, lengd greina 34,0-40,0 sm, ummerki eftir niðurbrennd kerti á greinaendum. 3028 A: Gerfijólatré af algengri gerð, væntanlega keypt um 1960, undirstaða á glitpappír. Hæð ca. 77,0 sm. (ath. jólaskraut á 3028a er ekki safngripur). Frá Miðengi í Grímsnesi, afhent Byggðasafni Árnesinga í kjölfar jarðskjálfta sumarið 2000 þegar íbúðarhús frá 1943 stórskemmdist. Ábúendur 1923-1946 Benedikt Einarsson og Halldóra Guðmundsdóttir. 1944- 1996 Kristinn Guðmundsson og Helga Benediktsdóttir. 1980-1999 Valgerður Kristinsdóttir og Gústav Adolf Guðnason, börn þeirra síðan. Að sögn Valgerðar Kristinsdóttur var jólatréð skreytt með eini og greni fyrir jólin. Á tréð voru einnig settir klemmukertastjakar. Leitað var að greni og einivið með viðhöfn skömmu fyrir jólin og þau fest á tréð með vír. (VK við LP 12.12.2006.) Benedikt Einarsson, f. 7. apríl 1877, d. 3. okt. 1952 og k.h. Halldóra Jakobína Guðmundsdóttir, f. 26. febr. 1891, d. 22. sept. 1990 voru búendur í Miðengi 1923-1946.