Bikar, sem minjagripur

1900

Varðveitt hjá

Silfurbikar. Tólf sm hár einfaldur að gerð með áletrun og blómaflúri á annari hliðinni. Þvermál er 7,0 sm efst en 4,5 sm neðst og breikkar jafnt upp. Undir bikarnum er stimplað 8265 og H & C. Áletrunin er með skrifletri "Til Sigurðar Magnússonar, dbrm. á 90. fæðingardegi hans." Úr bréfi Jóns M. Ívarssonar til safnsins: "Talið af Páli Lýðssyni að bikarinn hafi verið eign Sigurðar Magnússonar frá Þorlákshöfn, bónda á Skúmsstöðum, fæddur 1810 er varð níræður 22. september árið 1900. Í ævisögu Sigurðar eftir Jón Skagan, er ber nafnið; "Sú eik er lengst og styrkust stóð" er getið um silfurbikar mikinn og fagran er honum var gefinn af þakklátum sveitungunum. Bikarinn komst í mínar hendur úr dánarbúi Ingu Rakelar Jónsdóttur Thorarensen er var fædd í Aðalsteini á Stokkseyri 21.desember 1914. Hún lést í Reykjavík 19. febrúar árið 2002. Inga var gift Sigurði Thorarensen lögregluþjóni, síðar bátsmanni og glímukóngi er var fæddur 1907 og dáinn 1961. Sigurður var bróðir Egils Thorarensen kaupfélagsstjóra í Sigtúnum á Selfossi. Páll Lýðsson telur hugsanlegt að í eigu Gríms föður Sigurðar og þaðan komist í hans eigu."