Panta mynd Notkunarskilmálar

Skápur

1885 - 1923

Varðveitt hjá

Byggðasafn Árnesinga

Lítill skápur úr við, brúnbæsaður og lakkaður, er með útskornum stöfum á framhlið. Smíðaður af Sigurði Magnússyni sem lengstum var bóndi og smiður á Baugsstöðum. Hann smíðaði Gaulverjabæjarkirkju árið 1909. Munur úr búi Guðmundar Hannessonar, f. 16. nóv. 1859, d. 28. ágúst 1938 og k.h. Katrínar Jónasdóttur, f. 17. maí 1868, d. 11. sept. 1955. Þau bjuggu í Tungu í Gaulverjabæjarhreppi frá 1885 til 1923 er þau fluttu til Reykjavíkur sökum blindu Guðmundar og bjuggu þau til æfiloka í Barónsstíg 10a. Guðmundur var útvegsbóndi og oddviti í Tungu en hann var sonur Hannesar Einarssonar (1814-1892) bónda og hreppstjóra í Kaldaðarnesi, á Lambastöðum og í Hólum í Stokkseyrarhreppi, síðast lengi bóndi í Tungu og jafnan við hana kenndur og konu hans Kristínar Bjarnadóttur (1820-1891). Síðast var munurinn í eigu Katrínar Elíasdóttur (1923-2020) barnabarns Guðmundar og Katrínar. Gefendur eru börn Katrínar Elíasdóttur.