Sauðskinnsskór

1960

Varðveitt hjá

Sauðskinnsskór (lambsskinn) sem Ingveldur Elímundardóttir frá Stakkabergi saumaði og gaf Kristbirni þegar hann var 11 ára (1960). „Sumarið 1959 kom Ingveldur í heimsókn niður í Langeyjarnes, eins og hún gerði flest sumur, og dvaldi þar í eina til tvær vikur hjá Elínu. Þá gátu nú systurnar spjallað og oft var kátt í koti. Ingveldur, sem var mjög barngóð, fræddi mig um ýmislegt frá gömlum dögum þar á meðal sauðskinnskó og sagðist kunna að sauma slíka skó. Mig minnir að Jóhannes hafi átt skinn af vorlambi sem drapst og hreinsaði Jóhannes skinnið og Ingveldur tók það með sér heim. Hún bjó þá í Tjarnargötu 44 í Reykjavík og sá þar um heimili Þorsteins Þorsteinssonar fyrrverandi sýslumanns Dalasýslu. Um veturinn saumaði Ingveldur skóna og færði mér þá þegar ég heimsótti hana í Tjarnargötuna.“