Til baka í leit
Veistu meira?

Mælir, + hlutverk

Varðveitt hjá
Byggðasafn Árnesinga
Mælingatæki til hæðamælinga: Kassi með kíki og þrífótur undir er má leggja saman. Tæki þessi voru lengi notuð við Flóaáveituna og voru í vörslu Ingólfs Þorsteinssonar í Merkilandi á Selfossi, er afhenti þau sjálfur í safnið.

Aðrar upplýsingar

Efni
Safnnúmer
Safnnúmer A: BÁ-684
Staður
Staður: Merkiland við Ölfusá, 800-Selfossi, Sveitarfélagið Árborg
Sýningartexti
Sýningartexti frá sýningunni "70 sögur á safni" haldin á Byggðasafni Árnesinga haustið 2023. "Hæðarmælir sem notaður var við gerð Flóaáveitunnar. Tilgangurinn með áveitunni var að auka heyfeng bænda í gjörvöllum Flóanum frá Ölfusá í vestri að Þjórsá í austri Flóaáveitan eru skurðir sem liggja um gjörvallan Flóann eða frá Ölfusá í vestri að Þjórsá í austri og samtals um 300 km langir. Flóaáveitan var grafin árin 1922 til 1927 og náði yfir um tólf þúsund hektara lands. Vatni var veitt úr Hvítá við Brúnarstaðarflatir í Hróarsholtslæk. Mikill grasauki fylgdi í kjölfarið þegar vatni var veitt á engjarnar sem gerði bændum kleift að auka bústofn sinn. Óbeinn árangur var mikill. Flóaáveitan færði íbúum miklar fjárhæðir í beinum vinnutekjum, flýtti fyrir vegagerð um Flóann og leiddi af sér stofnun Mjólkurbús Flóamanna og Kaupfélags Árnesinga. Sú sögn hefur gengið að Flóaáveituna og Kínamúrinn megi sjá frá tunglinu. Þegar íslenskur maður heimsótti Píus páfa XI árið 1932 vildi páfinn einungis tala um áveituna „svo stóra að þar geti búið milljónir manna“."
Aðfangategund
Undirskrár
Undirskrá: Almenn munaskrá
Efnisorð / Heiti