Baðstofuviður
Varðveitt hjá
Byggðasafn Árnesinga
Baðstofuviðir frá Tungufelli í Hreppum. Það er skarsúð og sex sperrur, tekin ofan í tveimur pörtum. Þannig að sperrukverkarnar voru losaðar í sundur. Borðin í súðinni eru 18 fet á lengd,1 x 8 tommur. Öll heil, hvergi saman sett. Sperrikjálkar úr 3 x 4 tommu, sjö og hálft fet á lengd. Baðstofan var byggð vorið 1903 af Jóni bónda Árnasyni í Tungufelli, föður Ólafs í Tungufelli sem afhenti viðina í safnið. Baðstofan var smíðuð af þeim Hjálmari bónda Jónssyni á Syðra-Seli og Einari bónda Símonarsyni í Jötu. Viðinn, súð og sperrur, var keyptur í Eyrarbakkaverslun og fluttur á klyfjahestum upp að Tungufelli, um 80 km leið. Fjögur borð voru í klyfi, átta á hestinum. Neðri endinn drógst við jörð á klyfinu og var negld tréhlíf neðan á endann svo borðin skemmdust ekki. Súðin og sperrurnar voru handheflaðar úti í fjárhúsi áTungufelli. Járn var lagt strax á baðstofuna og sá því naumast nokkuð á súðinni 1969.Varðveittir um nokkurra ára skeið á Bessastöðum og síðar í kjallara Hótels Selfoss.
Aðrar upplýsingar
Efni
Safnnúmer
Safnnúmer A: BÁ-1208
Staður
Staður: Tungufell, 845-Flúðum, Hrunamannahreppur
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Baðstofuviður
Upprunastaður
64°17'12.0"N 20°9'35.6"W