Sleði
Varðveitt hjá
Byggðasafn Árnesinga
Sleði. Hestasleði. Sleði úr tré, með 8 rimum, hestakjálkar meðfram hvorri langhlið, 214,0 sm á lengd og eru boltaðir við sleðann með voldugum teini ryðguðum mjög. Járn meðfram botnhlið sjálfs sleðans og er rygðað mjög. Sjálfur sleðinn í heild er mjög fúinn og brotnir 3 rimar. Óvíst er að hægt verði að varðveita hann. Sleðinn var að sögn gefanda talinn smíðaður af Kristni Jónssyni vagnasmið á Grettisgötu 23 í Reykjavík. Sleðinn var notaður af föður gefanda Hjörleifi Guðbrandssyni frá Skálmholti í Flóa, sem bjó í Reykjavík. Hjörleifur vann fyrrihluta ævinnar við flutninga og notaði sleðann til þess. Hann flutti vörur á kerruvögnum og sleðum og þetta hefur verið sendibíll síns tíma. Hann vann einnig hjá Búnaðarfélagi Reykjavíkur við plægingar. Þegar hann hætti flutningum gerðist hann bóndi í Reykjavík og var fyrst með búskap þar sem flugvöllurinn í Vatnsmýrinni er og gripahús þar sem umferðamiðstöðin er í dag. Síðar var hann í Gufunesi en aðstöðu hafði hann alltaf þar sem nú er verið að leggja hraðbraut. Guðmundur Hjörleifsson sonur hans notaði sleðann líka. Sleðinn var einnig notaður þannig að kassi var settur ofan á.
Aðrar upplýsingar
Efni
Safnnúmer
Safnnúmer A: BÁ-3874
Stærð
230 x 83 x 21 cm
Lengd: 230 Breidd: 83 Hæð: 21 cm
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Sleði