Til baka í leit
Veistu meira?

Ljósmóðurtaska

Varðveitt hjá
Menningarmiðstöð Þingeyinga
Ljósmóðurtaska Kristlaugar Tryggvadóttur frá Halldórsstöðum í Bárðardal. Í töskunni eru ýmis ljósmóðuráhöld. Kristlaug starfaði sem ljósmóðir í Bárðardal og nærsveitum í 31 ár. Umdæmið er stórt og strjábýlt og þurfti hún oft að ferðast langar og hættulegar leiðir til þess að koma konum í nauðum til aðstoðar. í Öldinni okkar fyrir árið 1948 er að finna frásögn af einu þrekvirki Kristlaugar þegar hún reri ein síns liðs yfir Skjálfandafljót þar sem það er bæði breitt og straumhart í ofsaroki til þess að hjálpa konu í barnsnauð. Kristlaug komst klakklaust yfir og barnið fæddist hálftíma eftir að hún kom á bæinn. Í annað sinn fékk Kristlaug systur sína til þess að fara með sér langa leið á skíðum og höfðu þær 8 vikna gamlan son Kristlaugar með í ferð. Sonurinn átti að lina brjóst konu sem hafði skömmu áður alið barn sem vildi ekki taka brjóstið. Þær systur þurftu að fara yfir á sem var að brjótast úr klakaböndum og lagði Kristlaug skíðin yfir gapandi sprungu til þess að komast yfir hana, með litla drenginn sinn í fanginu. Ferðin gekk upp og náði drengurinn að lina brjóstverki konunnar svo vel að hennar eigin barn fékkst til þess að taka loks brjóstið.

Aðrar upplýsingar

Efni
Safnnúmer
Safnnúmer B: 2021-3
Stærð
38.5 x 19 x 22 cm Lengd: 38.5 Breidd: 19 Hæð: 22 cm
Staður
Staður: Halldórsstaðir 1, 645-Fosshóli, Þingeyjarsveit
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti

Upprunastaður

65°26'47.1"N 17°24'32.2"W