Prestur
07.09.1892
Varðveitt hjá
Ljósmyndasafnið Ísafirði
Þorvaldur Jónsson (1847–1925), prófastur.
Þorvaldur fæddist 19. desember 1847, en foreldrar hans voru Jón Hjartarson, síðar prestur á Gilsbakka, og kona hans Kristín Þorvaldsdóttir. Þorvaldur varð prestur á Eyri í Skutulsfirði árið 1881. Hann var ekki algjörlega ókunnur Vestfjörðum, en hann hafði áður verið aðstoðarprestur í Vatnsfirði um tíma.
Þorvaldur varð prófastur í sýslunni 1882, en vék úr því embætti 1906. Hann lét svo af prestskap árið 1915. Á þessum tíma féll Hólssókn í Bolungarvík einnig undir Eyrarprestakall. Þorvaldur sinnti báðum sóknum sjálfur stærstan hluta tímans.
Kona Þorvaldar var Þórdís Jensdóttir. Þau áttu fjögur börn, en aðeins yngri dóttirin, Kristín, lifði þau.
Þorvaldur lést á Ísafirði, þann 9. febrúar 1925.
Aðrar upplýsingar
Ártal
07.09.1892
Safnnúmer
Safnnúmer A: BP-1892-448
Staður
Núverandi sveitarfélag: Ísafjarðarbær, Ísafjarðarbær
Aðfangategund
Undirskrár
Undirskrá: Björn Pálsson ljósmyndari
Flokkun
Heimildir
Skrá Björns Pálssonar, 1891-1916.
Páll Eggert Ólason. Íslenzkar æviskrár: Frá landnámstímum til ársloka 1940. V. bindi. Reykjavík: Hið íslenzka bókmenntafélag, 1952.
„Þorvaldur Jónsson: fyrrv. prófastur“. Vesturland, 21. apríl 1925.