Björgunarsveit

01.09.1936 - 01.09.1936

Varðveitt hjá

Mynd af óþekktum mönnum á ströndum Áftaneshrepps eftir skipsbrot franska rannsóknarskipsins, Pourquoi-Pas?. Mögulega er að mennirnir á myndinni séu samblanda af björgunarmönnum frá Akranesi (sem voru 10 talsins), íbúum Áftaneshreppar og 4 mönnum sem komu frá Reykjavík. Líklegt getur talist að maðurinn í hermannabúningnum (sem heldur á mun úr skipinu) sé franski ræðismaðurinn M. Albert Zarzecki, sem mætti á slysstað ásamt Finnboga Rúti (sem tók þessa ljósmynd) Árna Óla, þá blaðamaður hjá Morgunblaðinu, og frönskumælandi kaupmanninum Pétri Þ. J. Gunnarssyni. Árni Óli minnist skrifborðs sem fannst í Morgunblaðinu: "Á miðri fjörunni, innan um allskonar rusl, lá skrifborð dr. Charcots á bakinu, nokkuð brotið, en í því voru þó einhver skjöl og ef til vill eitthvað fleira. Ræðismaðurinn gerði ráðstafanir til þess að því yrði þegar bjargað." Myndi því ekki telja ólíklegt að ræðismaðurinn standi þarna yfir til hægri, og að annar þeirra tveggja sem með honum komu sitji þar á hækjum sér að týna upp úr skrifborðinu, og að fyrir aftan hann sé sá þriðji, miðað við klæðaburð. Myndina tók Finnbogi Rútur Valdimarsson, bankastjóri og alþingismaður, þá ritstjóri hjá Alþýðublaðinu. Myndir hans voru þær einu sem teknar voru á slysstað og urðu því frægar erlendis og hérlendis.