Úrfesti úr hári
1920
Varðveitt hjá
Byggðasafnið Reykjum
Úrfesti unnin úr hári Önnu Steinvarar Jónasdóttur. Hún var fædd í Melrakkadal í Víðidal 16 des. 1854, dóttir Jónasar Sigurðssonar bónda þar og Ragnhildar konu hans Aradóttur. Meðal margra systkina Steinvarar voru; Jónas bóndi í Hlíð á Vatnsnesi, Jón bóndi í Haga í Þingi og Hjörtur, síðast tómthúsmaður á Blönduósi. Steinvör kom að Sveinstöðum vorið 1875 og dvaldi þar til æviloka 12.des.1917. Hún giftist ekki, enda var hún kripplingur, en eigi að síður frábær að listfengi, dugnaði og andlegu atgerfi, svo að rómað var. Þrátt fyrir beinkramarlýtin bar hún fegurð, sem ekki var vitað til að ætti sinn líka þar í sýslu, en það var hárið, er á yngri árum gat sem næstum hulið hana alla. Á efri árum hélt hún rothárinu til haga og gaf mér slatta af því. En hún hafði annast mig frá því að ég var tekin í fóstur á Sveinstöðum á öðru aldursári 1896. Úr þessu hári lét ég gera mér meðfylgjandi úrfesti í Þýskalandi árið 1920.
( Ásgeir L. Jónsson, kenndur við Þingeyrar og Sveinstaði, skráði og gaf úrfestina).
Aðrar upplýsingar
Titill
Sérheiti: Úrfesti úr hári
Ártal
1920
Efni
Safnnúmer
Safnnúmer A: 935
Staður
Staður: Sveinsstaðir, 541-Blönduósi, Húnabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Úrfesti
Heimildir
Safnskrá Byggðasafns Húnvetninga og Strandamanna. Bók nr. II.
Upprunastaður
65°30'22.7"N 20°22'24.8"W