Til baka í leit
Veistu meira?

Skatthol frá Kirkjubóli

1870 - 1940
Varðveitt hjá
Byggðasafnið Reykjum
Gamalt rauðmálað skatthol með skápi lausum ofan á. Neðri hlutinn er 84 cm, hár og er 78 cm. breiður og 46 cm. á dýpt. Undir 4 hornunum eru stórir kubbar 4 cm. háir. Neðst eru 3 skúffur 15-17 cm. á hæð. Ofan við þá er 4 cm. há skúffa, riffluð að framan. Þegar komið er þar ofan við í 64 cm. hæð er skorið framan af skápnum. Þar er hurð með hjörum að neðanverðu 78-28 cm. að stærð. Er halli hennar ca 40° frá jörðu. Þegar hún opnast myndast ágætis skrifborð og 2 lamir renna sjálkrafa út úr skápnum undir hana. 20 cm. innan við brúnina eru hirzlur. Til beggja enda eru smá hólf fyrir hurðarjárnin. Þar á milli eru lóðrétt skilrúm sem skipta í 5 hólf. Er miðjuhólfið breiðast ca. 16 cm, en hin 10-12 cm. hvert um sig. Í tveim yztu eru 3 skúffur hver ofan á annarri, í tveim næst yztu hólfunum er 4½ cm. há skúffa efst, en þar fyrir neðan hólf, með opi sem er bogadregið að ofan. Í miðjunni er hólf með rifflaðri hurð 16 cm. breiðri. Á skattholinu er venjuleg lykillæsing og er skráin málmslegin að utan. Á hverri skúffu eru 2 koparhöldur við sínhvorn enda. Skúffurnar eru geirnegldar saman, en botninn trénegldur í. Þessi hluti skattholsins er sléttur og einfaldur að ofan, en 2 litlar lamir standa aftur úr. Eru þær vegna þess að skápurinn að ofan er lítið eitt dýpri (þykkari) og stendur aftur úr. Skápurinn ofan á er 72 cm. á hæð, 72 cm. á breidd og 28 cm. á þykkt. Í kringum allar hliðar, nema bakhlið eru breiðir listar efst og neðst. Þeir eru misjafnlega breiðir 2½-5 cm., en það hefur brotnað upp úr þeim. Er þeir sagaðir í mjög skrautlegt form og tálgaðir út ferhyrningar. Á miðri framhlið skápsins eru hurðir 47 cm. á breidd og 49 cm. á hæð. Eru þær jafn stórar og opnast til sínhvorrar hliðar. Á hvorri hurð er 4½ cm. breiður rammi, nokkuð munstraður og í miðjunni á hurðinni er plata [] með þessu lagi, til skrauts. Inni í skápnum eru 3 hillur af sviðaðri stærð. Það er gefið safninu af Benedikt Grímssyni Kirkjubóli Strand. 25/4 1967.

Aðrar upplýsingar

Titill
Sérheiti: Skatthol frá Kirkjubóli
Ártal
1870 - 1940
Efni
Safnnúmer
Safnnúmer A: 492
Stærð
84 x 0 cm Lengd: 84 cm
Staður
Staður: Kirkjuból, 510-Hólmavík, Strandabyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Skatthol
Heimildir
Safnskrá Byggðasafns Húnvetninga og Strandamanna.

Upprunastaður

65°49'29.2"N 22°21'6.4"W