Lóðahjól frá Bergsstöðum

1870 - 1940

Varðveitt hjá

Lóðahjól (vaðbeygja) frá Pétri Teitssyni Bergstöðum V-Hún. Stendur á tréklumpi sem er 38.5 cm. langur, 7 cm. breiður og 4.5 cm þykkur. Neðra borð klumpsins er rúnnað dálítið inn á við og í gegnum hann liggja tvö göt 1.8 cm. í þvermál og eru 16 cm. milli þeirra. Ofan í klumpinn, utan við götin, hafa verið settar ferkanntaðar járnstengur ca. 0.7 cm á hvorn veg. Síðan koma járnin í boga upp úr og fletjast út á einn veginn og enda í hálfgerðum hring ca. 2.5 cm. í þvermál. Í miðjunni er gat og gengur hjólásinn í gegnum þau. En hann er úr ryðguðu járni og ca. 0.7 cm. í þvermál. Á endum hjólsins eru járnbútar til styrktar. Hvor um sig er 3x3 cm. Hjólið sjálft er 27 cm. langt og 8 cm. í þvermál. Hjólið hefur verið rennt og skildir eftir 1 cm. þykkir barmar við endana, og ávöl bunga, hæst í miljunni, á milli þeirra. Þrjár skorur hafa verið renndar ofan í. Hver þeirra um sig er ca. 0.3 cm. djúp og ca. 0.7 cm. breið. Ein skoran er á miðri bungunni og hinar til beggja handa um 9 cm. frá. Tréklumpurinn var festur við borðstokkinn og færið látið leika í hjólinu, þegar keipað var.