Smjörlíkiskassi
1940 - 1950
Varðveitt hjá
Iðnaðarsafnið á Akureyri
Trékassi fyrir smjörlíki. Á hliðum stendur: Smjörlíkisgerð KEA. Og á endum: FLóra. Kassagerð KEA varð sérstakt fyrirbæri árið 1939. Áður hafði starfsemin farið fram á vegum Trjáviðarhúss Byggingavörudeildar KEA, en þar hófst timburvinnsla 1932. Því hlutverki gegndi hún fram til ca. 1950 er pappakassar voru komnir til sögunnar. Hún var til húsa á neðstu hæð hússins Hafnastrætis 73. Stefán Reykjalín, byggingameistari var forstöðumaður Kassagerðarinnar fyrstu þrjú árin en síðan Kolbeinn Ögmundsson. Aðal verkefni Kassagerðarinnar var að smíða trékassa fyrir framleiðsluvörur verksmiðja KEA og SÍS. Framleiðsluvörurnar, í þessu tilfelli smjörlíki, voru sendar til verslana í svona kössum, sem skiluðu þeim aftur til verksmiðjanna, þ.e. kassarnir voru margnota. Þegar pappakassarnir höfðu tekið við hlutverki trékassanna breyttist hlutverk Kassagerðarinnar í það að vera alhliða trésmíðaverkstæði þar sem aðallega var framkvæmd vélavinna, þ.e. vinnsla timburs til sölu og notkunar við innréttingar húsa, svo sem gólf- loftlista og fleira.
Aðrar upplýsingar
Ártal
1940 - 1950
Efni
Safnnúmer
Safnnúmer B: 2004-1629
Stærð
79 x 33 x 31 cm
Lengd: 79 Breidd: 33 Hæð: 31 cm
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Smjörlíkiskassi