Notkunarskilmálar

Kaffikvörn

Varðveitt hjá

Byggðasafnið Reykjum

Gömul kaffikvörn úr harðviði, sennilega eik. Kassinn sjálfur er geirnegldur á hornunum. Botninn skagar út til beggja enda og eru hálfsporöskjur á endum hans. Á framhliðinni er skúffan og er framhlið hennar 10 x 5 cm. Hvílir skúffan ofan á botninum og er kringlótt, rennt beinhald framan á henni. Lokið er slétt plata 17 x 17 cm og skagar alls staðar út. Ofan á lokinu sem fest er með járnnöglum er stór járnskál. Hún er koparslegin að ofan og fest með breiðum járnvængjum, sem skaga út úr henni. Skálin er 10½ cm í þvermál að ofan og skagar 5½ cm upp úr. Við lokið er skálin ca 5 cm í þvermál. Þar niðri er tannhjól og tennt skál til að mala kaffibaunirnar. Upp úr tannhjólinu gengur 10 cm hár járnás. Er hringur festur utan um hann að ofan, en sá hringur er festur í skálina með 2 járnstöngum. Efst á járnásnum er fallegur S laga koparás með renndu eikarhaldi á endanum. Á ásnum er koparplata með áletrunni G.J.D. Er það fangamark Guðrúnar Jónsdóttur, en maður hennar Einar Skúlason á Tannstaðabakka V-Hún. smíðaði hann. Hún er gefin safninu af Einari Jónssyni Tannstaðabakka V-Hún. 22/4 1967.