Mynd: Byggðasafnið Reykjum

Kista úr eik

1870 - 1940

Varðveitt hjá

Vönduð eikarkista af venjulegri gerð með kúptu loki. Kistan sjálf er 112 cm á lengd og 50 cm breið neðst, en breikkar örlítið upp á við. Hæð kistunnar er 50 cm, en 57 cm að miðjunni á lokinu. Á hornunum er kistan geirnegld, en lokið með trétöppum. Hliðarnar hafa allar verið upprunalega úr einu borði, þótt farið sé að springa. Læsing er með venjulegum hætti, en lykillinn er horfinn og lásinn ryðgaður. Handraðinn er um 14 cm á breidd og 12 cm á hæð og er hann útskorinn. Eru nokkrar ávalar rendur á handraðanum og SSSSS munstur í miðju. Á hlið handraðans er munstrið öðru vísi. Ksitan er nokkuð snjáð að innan og stór sprunga komin í botninn. Að öðru leyti lítur hún nokkuð vel út. Hún er gefin safninu af Jóni Ól. Benónýssyni Blönduósi.