Veggskápur frá Vesturhópshólum

1850 - 1960

Varðveitt hjá

Gamall veggskápur úr tré, sennilega furu. Kassinn í skápnum er 48 cm á lengd, 30 cm á breidd og 70 cm á hæð. Útlínur kassans eru hreinar og beinar, nema að ofan og framan. Framhliðin skagar lítið eitt út til allra hliðanna. Þar eru sagaðir grunnir reitir, til skiptis við jafn stóra yfirborðsreiti. Á miðri hliðinni er hurð 39 x 62 cm að stærð. Hurðin er með breiðum kantlistum yzt, álíka breiðri skoru þar fyrir innan og langröndóttum, strikuðum fleti þar fyrir innan 14 x 46 cm að stærð. Tvær illa ryðgaðar hjarir eru á hægri hliðinni, en skráargatið snýr á hlið vinstra megin. Annar lítill skápur með leynihólfi er ofan á kassanum.(Hér kemur teikning af framhlið littla skápsins. ÁJ.) Fjarlægðin frá x til y er 45 cm og mesta hæð 13 cm. Fylgja hliðarnar útlínum framhliðarinnar og eru ávalar eins og myndin sýnir. Þegar efsta bríkin er toguð upp kemur leynihólfið í ljós. Inni í aðalskápnum eru 3 hillur sem mynda 4 nær jafnstór hólf. Skápurinn er úr eigu Margrétar Jónsdóttur (Gísladóttur) í Vesturhópshólum, móður Jóns Þorlákssonar fyrrverandi ráðherra. Sigurbjörg Hansdóttir Hvammstanga gaf safninu hann.