Fatakista

1850 - 1857

Varðveitt hjá

Fatakista: Þessa fatakistu átti Guðbjörg Sigurðardóttir frá Heiðarbæ, síðast á Víðivöllum, ( dó þar 4. júní 1948 ) á 100. aldursári. Guðbjörg fékk kistuna eftir stjúpföður sinn Tómas Sveinsson bónda í Heiðarbæ 1853-57. Kistan er mjög gömul og smíðuð úr rekaviði og hefur það tré verið mikið að gildleika því hliðar kistunnar eru ein borðbreidd. Kistan var smíðuð á Gjögri í Árneshreppi af hákarlasjómanni í landlegum. Ekki er vitað nafn hans. Skrá, lykill og lamir var heimasmíðað og er enn hægt að læsa kistunni, en lamir eru bilaðar, kistan er negld með trénöglum. Að Guðbjörgu látinni eignaðist Jón Jóhannsson bóndi á Víðivöllum kistuna, en hjá Jóni var Guðbjörg vinnukona í mörg ár, að Jóni látnum eignaðist Halldór sonur hans kistuna, en Halldór er nú 1978, maður hátt á sjötugs aldri.