Flosstóll
1890 - 1900
Varðveitt hjá
Menningarmiðstöð Þingeyinga
Flosstóll. Smíðaður
og notaður af Jakobínu Jónsdóttur, húsfreyju á Lundarbrekku í Bárðardal.
Að lögun líkast stól með kistu í setu, nema miklu minni. Fjórir stuðlar
mynda uppistöðu, tveir 50.5 cm langir að aftan og aðrir tveir 24 cm að
framan. Stuðlarnir mynda fætur undir stólinn 2ja cm háa. Þá taka við neðri
þverslár í hliðum, sporaðar í gegnum stuðla. Á milli þeirra og efri þversláa,
í hliðum er þiljað og myndast þannig hliðar í stólinn 14.5 cm háar og 26
cm langar utanmál, þ.e. með stuðlum og þverslám. Að framan og aftan eru
þverslár ofan við þverslár í hliðum, en annars gengið eins frá. Verða gaflar
að framan og aftan því hærri frá borði (gólfi) og standa uppfyrir hliðar.
Breidd stólsins 22 cm. neðan á gafla er negldur botn, myndast þannig loklaus
kassi 11 cm djúpur á hliðum, en 13 cm á göflum. Afturstuðlar nálgast hver
annan að ofan, svo að bakið mjókkar upp, 20.5 cm á móti 22.5 cm að neðan.
Efst í baki er þverslá og önnur litlu neðar. Allar slár svo og hliðar eru
sporaðar í. Stuðlar að framan eru sverari upp og standa 6.5 cm upp fyrir
gaflana. Í gegnum þá eru 3 cm við göt. Í þeim leikur rifur sem stungið
er inn frá hægri og er þar á honum ferkantaður haus 5.5 cm langur og 3
x 3.5 cm sver. Í rifuna á milli stuðlanna eru göt með nl. 1 cm millibili.
Á rifshausnum eru göt sem liggja þvert við hvort annað. Í þau hefur verið
stungið pinna sem hægt var að láta nema við járntein sem stendur út úr
stuðlinum rétt neðan við rifshausinn og þannig verið strengdur vefurinn
þegar flosað var. Stóllinn rauðmálaður.
Götin
í rifin voru fyrir festingu uppistöðunnar. En ekki sést hvernig hinn endinn
hefur verið festur. Engir slitfletir sjást, nema e.t.v. lítilsháttar á
rifnum. Er líkast því að stóllinn hafi verið málaður eftir að notkun hans
hætti.
Aðrar upplýsingar
Ártal
1890 - 1900
Safnnúmer
Safnnúmer A: 833
Staður
Staður: Lundarbrekka 1, 645-Fosshóli, Þingeyjarsveit
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti
Efnisorð: Flosstóll
Upprunastaður
65°27'30.5"N 17°23'38.8"W