Dragsmiðja

1890 - 1900

Varðveitt hjá

Dragsmiðjan er gerð úr furuborði, l. 185 cm, br. 24 cm. Þykkt 3 cm. Á öðrum enda furuborðsins er járnkengur, studdur af tveim litlum tréklossum. Á hinum endanum eru tveir tréklossar, sinn á hverri röð 20 cm frá enda, 29 cm langir og 8.5 cm á hæð. Í gegnum þá er tréás, sívalur, með þversakfti 43 cm á lengd. Á kefli þessu er ól, 8.5 cm og vafin upp á keflið. Í ytri enda hennar er járnkengur, þrístrendur. Dragsmiðjunni fylgja 3 með mörgum mismunandi götum. Dragsmiðjan var notuð til þess að búa til vír í hnakka, kamba, ljágrindur o.m.fl. Járnteinn var sleginn svo grannur að hann komst í víðasta gatið, enda hans stungið í gegn og í kjaft á töng, sem fylgir. Á örmum tangarinnar eru krókar sem krækt er í þríhyrnta járnið á ólinni. Síðan er ólin undin upp á keflið og dregst þá vírinn í gegn. Síðan er hann settur í hvert gatið af öðru og grennist hann og tognar við hverja ferð, uns fengin er hæfilegur sverleiki.